Новоизбраната заменик генерална секретарка на НАТО, Радмила Шеќеринска денеска го имаше своето прво јавно обраќање во новата улога, на Генералното собрание на Светската Атлантска Асоцијација во Брисел кое се одрржа во седиштето на НАТО.
Темата на одбележувањето на 70-тата годишнина од формирањето на Светската АТА и 75-тата годишнина од формирањето на НАТО, е „Дефинирање на светските стратешки приоритети во неизвесни времиња: Улогата на нашата алијанса“.
На Собранието присуствуваа делегати од над 35 земји од целата НАТО Алијанса и пошироко, но и високи претставници на НАТО, со цел да се најдат итни одговори за безбедносните предизвици со кои се соочува нашиот свет денес.
На одбележувањето на годишнината кое се одржува од 3 до 6 декември годинава, беше присутна и македонската делегацијата. Во делегацијата на Евро-Атлантскиот Совет, предводена од претседателот, Исмет Рамадани, беа: Светозар Јаневски, Арбн Абурахмани, Митко Андреевски, Тоше Коцевски, Илија Џугуманов и Кастриот Арифи.
Покрај средбата со новата заменик генерална секретарка на НАТО, Шеќеринска, делегацијата се сретна и со другите високи претставници од НАТО. Делегацијата ја посети и македонската мисија во НАТО, каде што оствари средба со амбасадорот Дане Талески.
Пред главниот настан, на 04.12.2024, претходеше посета на врховната команда на НАТО за Европа, која се наоѓа во Монс, Белгија.
ИЗВОР: racin.mk
