Се подготвува терен за набавка на нов владин авион

December 8, 2024
1 min read

Владиниот авион со кој претседателката Гордана Сиљановска-Давкова требаше да лета за Париз на отварањето на реновираната катедрала Нотр Дам, се расипал на 3 декември. Со него патувал претседателот на Собранието Африм Гаши во Стокхолм, Шведска. За време на подготовката  на авионот за лет кон Скопје и редовните активности и проверки на аеродромот во Стокхолм утврдена е неисправност на едниот од двата инструменти кои покажуваат температура на издувните гасови од моторите, објави порталот Сакам да кажам.

 – Според прописите на производителот, неисправноста на еден таков инструмент не дозволува летачка операција ниту стартување на моторите се до негова замена. Нов инструмент стигна на 4 декември и веднаш по неговата замена и проверка, авионот е вратен во Скопје. Се прават додатни анализи и испитувања за со сигурност да можеме воздухопловот да го пуштиме во погон. Секогаш кога воздухопловот бил во погон бил целосно исправен и безбеден, изјави директорот на Службата за општи и заеднички работи на Владата Ивица Томовски.

 Томовски во изјавата за Сакам да кажам  наведува оти смета дека како држава треба да набавиме нов владин авион.

-Од 2017 до сега сме потрошиле околу 3,5 милиони евра за поправки. Сметам дека треба да се купи нов авион и за тоа сум спремен да дискутираме во Собранието и да има консензус од сите политички партии. Сум разговарал со поранешните директори на Службата и сите сметаат дека ваква набавка е неопходна. Авионот покрај тоа што е стар, е и мал. Има место само за шест патници, што значи дека често не ја  собира ни цела делегација, па придружбата на високите државници мора да оди со комерцијални летови, што е ем неефикасно, ем често пати и поскапо.  Нам ни треба бизнис авион кој има најмалку 15 седишта, вели Томовски. 

Претседателката Гордана Сиљановска Давкова, како што соопшти синоќа нејзиниот Кабинет, не замина во Франција на церемонијата на отворањето на реновираната катедрала Нотр Дам во Париз, поради дефектот на владиниот авион.

ИЗВОР: racin.mk

MARKETING

MARKETING

Претходно

ВМРО-ДПМНЕ: ДУИ да ја слушнат изјавата на Мицкоски, да не сеат магла, иако знаат дека во среда нема да се случи ништо

Следно

НАГРАДАТА „СВ. КЛИМЕНТ ОХРИДСКИ“ ИМ ЈА ПОСВЕТУВАМ НА СИТЕ МОИ НЕВИДЛИВИ ПРЕТХОДНИЧКИ, РЕЧЕ ПРОФЕСОРКАТА МАЈА БОЈАЏИЕВСКА

Latest from Blog

Дурловски промовира видео за песната „Цела се Битола расплака за Александар Турунџев“

 По повод 120 години од погубувањето на големиот јунак Александар Турунџев, оперскиот пејач Игор Дурловски денеска го промовира видеото за песната „Цела се Битола расплака за Александар Турунџев“.  Дурловски песната ја изведува

Бетовен и мистеријата на неговата смрт: Што им откри ДНК анализата на научниците?

Во еден бурен понеделник во март 1827 година, германскиот композитор Лудвиг ван Бетовен почина по долго боледување. Бетовен беше во кревет од претходниот Божиќ, погоден од жолтица, со отечени екстремитети и стомак,

Хојлунд ќе оди на позајмица во Наполи

Иако при неговиот трансфер од Аталанта во Манчестер, тимот на Јунајтед плати цели 83 милиони евра, сепак, Расмус Хојлунд за многу кратко време ги потроши сите кредити на Олд Трафорд. Данецот е

Сајкоски: Идеите за Кичево ќе бидат преточени во проекти и ќе станат реалност со идниот градоначалник

Заедно со граѓаните, ги слушаме вашите предлози, идеи и потреби, затоа што само така можеме да градиме подобра иднина. Идеите за Кичево ќе бидат преточени во проекти и ќе станат реалност со

Меџити го повикува Османи да одговори за средбите со Груевски

Првиот заменик премиер на Северна Македонија и кандидат за градоначалник на Општина Чаир, Изет Меџити, денеска јавно побара неговиот противкандидат Бујар Османи да одговори дали е вистина дека најмалку двапати бил во
Go toTop