Фудбалерот на мексикански Унам и бразилски репрезентативец Дани Алвеш ќе биде уапсен денеска под обвинение за сексуален напад, објави каталонскиот весник „Спорт“.
Шпанскиот суд соопшти пред две недели дека е отворена истрага против Алвеш, откако жена го обвини бразилскиот фудбалер за сексуален напад во ноќен клуб во Барселона кон крајот на декември лани.
Алвеш (39) тогаш ги негираше обвинувањата и тврдеше дека не ја познава жената која ја поднела тужбата.
Алвеш, кој настапи со Бразил на неодамнешното Светско првенство во Катар, од 2017 година е во брак со познатата манекенка Жоана Санц.
ИЗВОР: kurir.mk
