Осомничениот убиец избегал веднаш откако егзекутирал петмина свои соседи, меѓу кои и дете на 8 години. Нападот се случил отако сега веќе жртвите, побарале од мажот да престане да пука со пушка во неговиот двор, бидејќи од бучавата не можеле да го заспијат бебето
Федералното биро за истраги на САД (ФБИ) се вклучи во потрагата по осомничениот убиец на пет лица во малиот град Кливленд, Тексас.
„Го сметаме за вооружен и опасен. Тој е на слобода и тој е закана за заедницата“,
изјавил агентот на ФБИ, Џејмс Смит
Според исказите на преживеаните, Франциско Оропеза, инаку 38 годишен, отворил оган кон соседите во петокот вечерта (по тамошно време) откако тие побарале да престане да пука со пушка во својот двор бидејќи не можеле да го заспијат бебето. Откако го одбил барањето, осомничениот по некое време се појавил пред влезната врата на соседите носејќи пушка, што може да се види од снимка на камера на куќата според локалната полиција.
Певеќе лица биле најдени мртви на лице место кога пристигнала полицијата и тоа во различни соби. Меѓу нив биле и две жени во една од спалните, за кои истрагата верува дека со телата штителе помали деца, кои го преживеале нападот. Убиените биле „егзекутирани“, односно убиецот пукал од блиску во вратот или во глава.
Според локалните власти, Оропеза првично бил следен преку сигналот на неговиот мобилен телефон, но трагата потоа се покажала лажна. На само 65 километри од местото е Хјустон, град со близу 2,3 милиони жители во централното градско подрачје.
Жртвите, пренесува Си-Ен-Ен, се:
- Соња Аргентина Гузман (25)
- Диана Веласкез Алварадо (21)
- Јулиса Молина Ривера (31)
- Хосе Џонатан Касарез (18)
- Даниел Енрике Ласо – Гузман (8)
Во куќата имало уште пет лица кои не се повредени. Три деца се најдени прекриени во крв и биле однесени во болница, но не биле повредени.
Извор: 360stepeni.mk
