САД и Русија престанаа да споделуваат информации за нуклеарното оружје

Новиот договор за намалување на стратегиското оружје (СТАРТ) првично беше потпишан во 2010 година од тогашните претседатели на САД и Русија, Барак Обама и Дмитриј Медведев. Договорот ги ограничува двете земји на не повеќе од 1 550 распоредени нуклеарни боеви глави и 700 распоредени проектили и бомбардери

Во февруари годинава рускиот претседател Владимир Путин објави дека Русија го суспендира своето учество во договорот и нема да ги почитува неговите одредби

Соединетите Американски Држави и Русија престанаа да споделуваат информации за нуклеарното оружје, што треба да го прават двапати годишно според новиот Договорот за намалување на стратегиското оружје (СТАРТ).

Претставници на Белата куќа, Пентагон и Стејт департментот соопштија дека САД ѝ ги понудиле овие информации на Русија откако претседател Владимир Путин го суспендира руското учество во овој договор минатиот месец, но Москва го информирала Вашингтон дека нема да ги сподели своите информации.

„Затоа, поради непочитувањето на своите обврски од договорот, САД нема да ги споделуваат своите податоци со Русија за да ја охрабрат да се врати на обврските од договорот“,
изјави за новинарите портпаролот на Стејт департментот Ведант Пател.

Белата куќа, која претходно ја обвини Русија за повеќекратно прекршување на договорот, рече дека одбивањето на Русија да ги почитува условите е правно неважечко и дека одлуката за задржување на податоците е уште едно прекршување на договорот.

Новиот договор за намалување на стратегиското оружје (СТАРТ) првично беше потпишан во 2010 година од тогашните претседатели на САД и Русија, Барак Обама и Дмитриј Медведев. Договорот ги ограничува двете земји на не повеќе од 1 550 распоредени нуклеарни боеви глави и 700 распоредени проектили и бомбардери.

Договорот, исто така, предвидува сеопфатни инспекции за да се утврди усогласеноста со одредбите, но тие се во мирување од 2020 година поради пандемијата на коронавирусот.

Разговорите за продолжување на инспекциите требаше да се одржат во ноември 2022 година, но Русија нагло ги откажа наведувајќи ја американската поддршка за Украина.

Во февруари годинава рускиот претседател Владимир Путин објави дека Русија го суспендира своето учество во договорот и нема да ги почитува неговите одредби.

Путин: Русија го суспендира учеството во Договорот за намалување на стратегиското оружје

Извор: 360stepeni.mk

Latest from Blog

Предлог-извештајот на Вајц за Македонија пред пратениците во ЕП – шансите да остане македонскиот јазик се многу мали

Дел од европратениците нема да гласаат за бришење на македонскиот јазик и идентитет од извештајот на Европскиот Парламент, порача премиерот Мицкоски. На само неколку часа пред документот за напредокот на земјата, да

ПРВИ РЕЗУЛТАТИ ОД ИСТРАГАТА: Ова е најверојатната причина за сообраќајката во која загинаа Жота и Силва

Првите резултати од истрагата за сообраќајната несреќа во која напаѓачот на Ливерпул, Диого Жота, и неговиот брат Андре Силва ги загубија животите минатата недела во Шпанија укажуваат на „голема брзина“ со која

Сирија бара помош од ЕУ за справување со пожарите во Латакија

ДАМАСК (АА) – Дамаск побара поддршка од Европската Унија за помош во контролирањето на шумските пожари што беснеат во руралниот дел на Латакија во северозападна Сирија, изјави денес сирискиот министер за вонредни

Алиу – Срцева: На Клиниката за ТОАРИЛУЦ се реализирани или во фаза на реализација над 23 проекти и иницијативи за една година

Министерот за здравство, Азир Алиу денеска ја посети Клиниката за ТОАРИЛУЦ, во рамки на која е во напредна фаза темелна реконструкција на КАРИЛ. -Оваа реконструкција е согласно најсовремените европски и светски стандарди,

Сиљановска Давкова разочарана од Брисел

Европскиот парламент се подготвува идната недела да изгласа амандман со кој од годишниот извештај за напредокот на Северна Македонија се бришат сите директни споменици на „македонски јазик“ и „македонски идентитет“. Договорот –