Руската операција во 2016 стигнала до релативно мал број луѓе, од кои најголем број и онака биле крајно партиски наклонети републиканци, а руските ботови немале „никакво мерливо влијание на промената на размислувањето или влијание врз однесувањето на гласачите.“
Студијата ја спроведува Центарот за социјални медиуми и политика на Универзитетот на Њујорк, кој истражува кои се границите на тоа што руските дезинформации можеле да го постигнат на една голема социјална мрежа на изборите во 2016.
„Мое лично чувство е дека се крена далеку премногу врева околу сето ова.
Сега кога ги прегледуваме податоците и можеме да видиме колку било ова концентрирано во еден мал сегмент на популацијата, и фактот дека луѓето кои биле најмногу изложени на ова биле многу, многу веројатно и онака да гласаат за Трамп.
Плус ги имаме и овие податоците кои покажуваат дека не можеме да најдеме врска меѓу изложеноста на овие твитови и промена во одлуката кај луѓето,“ изјавил авторот на студијата и извештајот, Џош Такер.
Клучни заклучоци од студијата се дека на само 1% од корисниците на Твитер отпаѓа 70% од изложеноста на сметки кои се идентификувани како руски трол сметки. Крајно партиски наклонетите републиканци биле 9 пати поверојатно да бидат изложени на овие постови од не-републиканците, а содржините од американските медиуми и политичари неспоредливо го потиснале руското влијание врз електоратот.
„Руските сметки и постови немале мерливо влијание на ’политичките ставови, поларизација и наклонетост за гласање и однесување’,“ пренесува Вашингтон пост.
ИЗВОР: off.net.mk
