Руска компанија објави награда за соборување на првиот борбен авион Ф-16 во Украина

МОСКВА (АА) – Руска компанија објави награда од 15 милиони рубљи (169.000 долари) за соборување на првиот борбен авион Ф-16 што западните земји планираат да и го достават на Украина, јавува Анадолу.

Шефот на компанијата Форес, специјализирана за производство на опрема за нафтената индустрија, Сергеј Шмотјев, за руската државна новинска агенција ТАСС изјави дека неговата компанија издвоила пари и за исплата на бонуси за уништување тенкови од западно производство.

„Најавивме бонус за уништување на борбените авиони Ф-16, доколку таквите летала се испорачаат во Киев. Исто така, оние момци кои уништуваат тенкови доставени од западните земји во Украина исто добиваат исплата. Плативме 5 милиони рубљи за првиот тенк и 500.000 рубли за сите наредни“, истакна тој.

Холандските власти минатата година објавија дека планираат да извршат трансфер на 24 борбени авиони Ф-16 во Украина, кои ќе можат да се користат за напади против Русија.

Дополнително, до крајот на 2028 година, Украина се очекува да добие 19 авиони Ф-16 од Данска и 30 од Белгија.

На веб страницата на Anadolu Agency (AA) објавена е само дел од содржината на вестите од Системот на проток на вести (HAS). За целосната содржина на вестите ве молиме контактирајте нè за претплата.