Минатиот април Украина соопшти дека 57 лица загинале кога руски проектил погодил железничка станица во Краматорск. Москва ја отфрли одговорноста, велејќи дека проектилот бил украински
Руска ракета доцна синоќа уништи станбена зграда во источниот украински град Краматорск. Најмалку две лица загинаа, а седум се повредени, изјави регионалниот гувернер Павло Кириленко.
„Спасувачите, полицијата и комуналните служби работат на местото на настанот за да поминат низ урнатините на уништената зграда. Веројатно се уште има луѓе под урнатините“,
напиша Кириленко на Телеграм.
Најмалку 44 лица загинаа минатиот месец кога руски проектил погоди станбена зграда во источниот град Дњепар.
„Ова не е повторување на минатото, тоа е секојдневната реалност на нашата земја – земја со апсолутно зло на своите граници“,
напиша претседателот Володимир Зеленски на Телеграм.
Во посебен твит, Зеленски напиша дека „единствениот начин да се запре рускиот тероризам е да се победи – со тенкови, борбени авиони, проектили со долг дострел“.
Кириленко објави фотографија на која се гледа четирикатница која претрпела големи оштетувања.
Украинската редакција на Радио Слободна Европа објави кратко видео на кое се гледа како спасувачите работат под рефлектори додека снегот паѓа врз урнатините. Украина ги обвинува руските сили за неселективно гранатирање на цивилната инфраструктура, обвинение што Москва рутински го негира.
Минатиот април Украина соопшти дека 57 лица загинале кога руски проектил погодил железничка станица во Краматорск. Москва ја отфрли одговорноста, велејќи дека проектилот бил украински.
Извор: 360stepeni.mk
