Ројтерс: Припадник на Националната гарда на САД осомничен за протекувањето на документите на Пентагон

April 13, 2023
1 min read

Американските медиуми, повикувајќи се на неименувани извори од истрагата, односно официјални претставници на американските власти, го објавуваат и идентитетот на осомничениот, наведувајќи дека станува збор за 21-годишниот Џек Тешеира, водач на онлајн-група на вљубеници во оружје и видео-игри каде првично биле објавени доверливите документи. Официјална потврда на пишувањата на медиумите засега нема од американските власти иако се тврди дека осомничниот треба да биде уапсен денеска

Припадник на Националната воздухопловна гарда на Масачусетс е осомничен за протекувањето на високо доверливите документи на Пентагон, јавува новинската агенција Ројтерс, повикувајќи се на извор упатен во истрагата.  

Зградата на министерството за одбрана на САД – Пентагон/Фото: Архива

Според информациите на агенцијата, се очекува тој денеска да биде уапсен во Масачусетс од страна на надлежните служби.  

Изворот, кој зборувал под услов да остане анонимен, не сакал да соопшти повеќе детали.  

Новинската агенција Асошиејтед прес, цитирајќи два извори запознаени со ситуацијата, наведува дека станува збор за 21-годишник кој треба да биде приведен од Федерланото истражно биро (ФБИ) на сослушување, пренесува Гардијан. 

Од ФБИ засега не одговориле на барањата за коментар во врска со наводите поврзани со истрагата.  

Претходно, „Њујорк тајмс“ објави дека станува збор за водач на онлајн група на која биле објавени тајните документи и исто така наведува дека станува збор за 21-годишен припадник на Националната воздухопловна гарда на Масачусетс. 

Во извештајот на Ројтерс се наведува и име – Џек Тешеира, кое се поврзува со осомничениот. Ова име, како што претходно објави „Њујорк тајмс“ соодветствува со името на предводникот на онлајн-групата на која изминатите месеци се појавиле доверливите документи. Според информациите станува збор за онлајн-групата Таг Шејкер Централ (Thug Shaker Central) која брои околу 20 до 30 луѓе кои споделуваат интерес кон оружје, расистички содржини и видео-игри. 

Идентитетот на осомничниот за Си-би-ес њуз го потврдиле неименувани преставници на американските власти, пренесува Би-би-си.

Американскиот претседател Џо Бајден претходно денеска во Даблин изјави дека во тек е сеопфатна истрага на разузнавачката заедница и министерството за правда на САД во врска со протекувањето на доверливи документи на Пентагон и дека властите се приближуваат до одговори.  

Вчера весникот „Вашингтон пост“ објави интервју со еден од членовите на онлајн-групата каде првично се појавија документите. 

Во интервјуто тој го опишува лицето кое стои зад протекувањето на документите како млад, харизматичен ентузијаст за оружје на возраст од рани до средни 20 години, кој работи во неименувана воена база. 

Најмалку 50, но можеби и повеќе од 100 тајни документи беа објавени на платформата за социјални медиуми Дискорд (Discord), популарна кај љубителите на видео-игри, пишува Би-би-си. 

Извор: 360stepeni.mk

VERO JUMBO

EVN MACEDONIA

MATINA DENTAL CLINIC

AUTO SHKOLLA BEKO

Претходно

ЛОУЧ, МОРЕТИ, ЏЕЈЛАН, ВЕНДЕРС, КОРЕ-ЕДА, КАУРИСМАКИ, АНДЕРСОН, БЕЛОКИО ВО ТРКАТА ЗА ЗЛАТНА ПАЛМА

Следно

Мелпомени Корнети: Не познавам случај на таква „симбиоза” меѓу симфониски оркестар и џез оркестар под еден покрив во меѓународни релации

Latest from Blog

Проданоски: Буџетот за 2027 година го креираме со предлозите на прилепчани

Општина Прилеп ги заврши средбите со сите урбани заедници во градот во рамките на консултациите за подготовка на Буџетот за 2027 година. Градоначалникот Дејан Проданоски најави дека процесот продолжува со средби со

Николоски: Од 1 јануари само Државната лотарија ќе може да организира онлајн игри на среќа

Владата го измени Законот за игри на среќа, со кој јасно се ограничува организирањето на игри на среќа. Само Државната Лотарија ќе може да организира игри на среќа, дополнително се воведе ограничување

Божиновска: По три децении зависност од еден гасен правец, Македонија работи на нови врски со соседите

Македонија три децении зависела од само еден правец за снабдување со природен гас, а новите поврзувања со соседите треба да ја намалат таа зависност, порача министерката за енергетика, рударство и минерални суровини,

Битола не ги заборава своите херои: Одбележана 82-годишнината од формирањето на Првата егејска македонска ударна бригада

Во Битола свечено беше одбележана 82-годишнината од формирањето на Првата егејска македонска ударна бригада, со положување свежо цвеќе, оддавање почит и пригодна културно-уметничка програма. Одбележувањето се одржа пред спомен-плочата кај Територијалната противпожарна

Божиновска: Гасните врски со Грција и Србија се приоритет за посигурно снабдување

Гасните интерконектори со Грција и Србија, Вертикалниот гасен коридор и повторното ставање во функција на продуктоводот Солун–Скопје се меѓу проектите со кои Македонија работи на посигурно снабдување со енергија. Ова го истакна
Go toTop