Режимот на Асад и опозициските сили ги зајакнуваат воените позиции околу сирискиот град Хама

December 2, 2024
1 min read

АЛЕПО/ХАМА (АА) – По големиот напредок во градот Алепо, вооружените групи што му се спротивставуваат на сирискиот режим на Башар ал Асад влегуваат во судири со режимските сили на околу 12 километри од центарот на градот Хама, задржувајќи ги своите позиции, јавува Анадолу.

Тие собираат сили и во областа Морик.

Откако минатата среда започнаа повторни судири меѓу режимските сили и опозициските групи во сирискиот регион Идлиб, вниманието се пренесе на Хама.

По преземањето на контролата врз целиот Идлиб и центарот на градот Алепо, опозициските групи напредуваа кон Хама, која е под контрола на режимот во Централна Сирија.

Режимските сили пратија и оклопни возила и војници во центарот на градот Хама.

Опозициските групи, засилени со борци од други области, ги концентрираат силите во Морик покрај автопатот М5.

– Русија праќа воено засилување во Хомс –

Според информациите до кои дојде Анадолу од локални извори, Русија почнала да пренесува воена опрема и муниција од областа Табка, источно од реката Еуфрат, во областа Хомс, која е под контрола на режимот.

Во рамките на операцијата осум оклопни транспортери и два хеликоптера се распоредени во Хомс.

Русија е главен меѓународен поддржувач на Сирија.

– Терористите на ПКК/ЈПГ под опсада бараат евакуација –

Продолжуваат тензиите околу терористите на ПКК/ЈПГ опколени од опозициските сили во населбите Шеик Максуд и Ашрафие во Алепо.

Терористите на ПКК/ЈПГ побараа евакуација во Мунбиџ, барање што моментно го разгледуваат опозициските групи.

Опозициските сили, кои првпат по осум години влегоа во центарот на градот Алепо, еден од најголемите градови во Сирија, сега контролираат големи делови од градот.

– Продолжува операцијата „Зора на слободата“ против терористичката организација ПКК/ЈПГ –

Опозициската Сириска национална армија (СНА), исто така, продолжува со операцијата „Зора на слободата“ против терористичката организација ПКК/ЈПГ.

По преземањето целосна контрола врз центарот на градот Тел Рифат, во областа во тек се операции за пребарување и расчистување на теренот.

Се очекува овие операции да продолжат поради големиот бројни тунели и минирани области.

Терористите на ПКК/ЈПГ, принудени да се повлечат од центарот на градот, побегнаа во Фафин на јужниот дел на Тел Рифат.

– Русија и режимот на Асад ги имаат како цел цивилите во Идлиб и Алепо –

Според тимовите за цивилна одбрана, во воздушните напади извршени од сирискиот режим и Русија од минатата среда до оваа недела во Идлиб и Алепо, под изговор дека ги имаат како цел опозициските сили, имало значителни цивилни жртви.

Во нападите се убиени 56 цивили, меѓу кои 20 деца и осум жени, а повредени се 238, меѓу кои 98 деца и 61 жена.

Судирите избија минатата недела меѓу силите на режимот на Асад и антирежимските вооружени групи во руралните области западно од Алепо во Северна Сирија, што означи повторна ескалација на борбите по период на релативно затишје во повеќедецениската граѓанска војна.



На веб страницата на Anadolu Agency (AA) објавена е само дел од содржината на вестите од Системот на проток на вести (HAS). За целосната содржина на вестите ве молиме контактирајте нè за претплата.

Извор: Anadolu Agency (AA)

VERO JUMBO

EVN MACEDONIA

MATINA DENTAL CLINIC

AUTO SHKOLLA BEKO

Претходно

Македонија и Хрватска ја продлабочуваат образовната соработка

Следно

Иран: „Туркије има клучна улога во процесот од Астана“

Latest from Blog

Коњановски: Во 2027 година се планира пуштање делница од 12 километри на автопатот Прилеп–Битола

Делница од 12 километри од автопатот Прилеп–Битола е планирано да биде пуштена во сообраќај во 2027 година, а до крајот на 2028 година да бидат асфалтирани вкупно 28 километри. Ова било најавено

Проданоски: Потенцијалот на младите да го претвориме во дела за Прилеп

Повеќе од 200 млади од Прилеп учествуваа во симулација на Европскиот парламент, преку која се запознаа со функционирањето на европските институции, носењето одлуки и значењето на демократската дебата. Градоначалникот Дејан Проданоски ја

Божиновска: Македонија е дел од трансатлантскиот дијалог за енергетска безбедност

Министерката за енергетика, рударство и минерални суровини, Сања Божиновска, на 18 и 19 ноември ќе учествува на Седмиот состанок на Партнерството за трансатлантска енергетска соработка (P-TEC) во Варшава, Полска, организиран во соработка

Коњановски: Гласот на младите треба да се преточи во конкретни локални решенија

Триесет средношколци од Битола развија проектни предлози за решавање проблеми во својата заедница, во рамките на проектот ЛАПСИ – Локални активни платформи за социјални иновации. На денешната работилница тие ги финализираа идеите

Општина Прилеп: Втор повик за поддршка на семејствата со првачиња во учебната 2026/2027 година

Општина Прилеп објави втор јавен повик за доделување еднократна парична помош на семејствата со деца запишани во прво одделение во учебната 2026/2027 година. Повикот е наменет за родителите кои не аплицирале во
Go toTop