Пратениците го изгласаа дневниот ред на денешната 102. седница, чија единствена точка е предлог на закон за дополнување на Законот за технолошко индустриски развојни зони, по скратена постапка, поднесен од пратениците Дарко Каевски, Диме Велковски и Љатифе Шиковска.
Бидејќи Собранието одлучи законот да се донесе по скратена постапка, спикерот Талата Џафери ги повика Комисијата за економски прашања и Законодавно-правната комисија да расправаат по предлог законот.
Работните тела треба да го информираат спикерот за датумот на одржување на седниците, а собраниската седница ќе продолжи со работа по добиениот извештај од работните тела. (МИА)
ИЗВОР: kurir.mk
