Испораките на оружје на НАТО за Украина може да се сметаат за учество во конфликтот бидејќи алијансата не добива пари за тоа, изјави рускиот претседател Владимир Путин во интервју за руската државна телевизија „Русија -1,“ пренесе „Ројтерс“.
„Тие ја снабдуваат Украина со оружје во вредност од десетици милијарди долари. И токму ова е значењето на учеството. Зошто? Бидејќи ова не е само воено-техничка соработка, тие не добиваат пари за тоа“
рече Путин.
Рускиот претседател поттенцира и дека формално НАТО не е страна на договорот за контрола на нуклеарното оружје „Нов СТАРТ“, кој беше потпишан меѓу Москва и Вашингтон, како и дека Северноатлантската алијанса е „првенствено политичка организација, а не воен блок“.
„Како може да не е воено? Можеме да видиме што се случува. Затоа сме принудени да се вратиме на дискусијата на оваа тема од нејзината суштина“,
рече рускиот претседател.
Ако на Западот му се даде можност да ја растури Руската Федерација и да воспостави контрола врз нејзините остатоци, рускиот народ можеби нема да преживее, рече рускиот претседател кој додаде и дека западните земји имаат една цел – да го распуштат поранешниот Советски Сојуз и неговиот главен дел – Руската Федерација.
„Дури тогаш можеби ќе не примат во таканареченото семејство на цивилизирани народи, но само посебно, секој дел посебно“,
истакна Путин во интервјуто.
Извор: 360stepeni.mk
