Престрелката, како што јави РТС, се случила нешто пред 20 часот на улицата „Максим Горки“ во Белград, при што нападнатиот маж се здобил со повреда на десната натколеница. Недалеку оттаму бил пронајден уште еден маж кој, според Н1, имал повреда на грбот предизвикана од огнено оружје. Засега не е познато дали двајцата повредени се поврзани со ист инцидент
Маж е ранет во престрелка која вечерва се случила во белградската општина Врачар.
Престрелката, како што јави РТС, се случила нешто пред 20 часот на улицата „Максим Горки“ во Белград, при што нападнатиот маж се здобил со повреда на десната натколеница. Тој е пренесен во Ургентниот центар.
Недалеку оттаму, на улицата „Новопазарска“ бил пронајден уште еден маж кој, според Н1, имал повреда на грбот предизвикана од огнено оружје.
Засега не е познато дали двајцата повредени се поврзани со ист инцидент.
Според неофицијални информации кои ги објави српски „Телеграф“, еден од ранетите е македонски државјанин, но засега таквата информација е непотврдена.
Пред безмалку 20 дена, во ОУ „Владислав Рибникар“ во оваа белградска општина се случи масовно убиство во кое 13-годишно момче уби десет лица, од кои девет соученици и чуварот на училиштето.
Извор: 360stepeni.mk
