Продолжуваат протестите против реформите во израелското правосудство

ТЕЛ АВИВ (АА) – Израелците продолжуваат со протестите против планот на израелската Влада за реформи во судството, известува Анадолу.

Демонстрантите се собраа во Тел Авив извикувајќи слогани против израелскиот премиер Бенјамин Нетанјаху, носејќи израелски знамиња. Пред почетокот на протестот, група музичари одржаа мини концерт.

Израелската Влада продолжува со својот план, чекор по чекор, со цел контроверзната судска реформа да помине во Парламентот, а противниците на таа реформа ја сметаат за мешање во судството и обид да се намалат овластувањата на судството во корист на извршната власт, поради што веќе 12 недели организираат протести.

Реформата, што ја предложи министерот за правда Јарив Левин, претставува најрадикална промена во системот на власта во Израел.

Планираната измена сериозно би ги ограничила овластувањата на Врховниот суд, би ѝ дала на Владата овластување да ги бира судиите и би се ставил крај на практиката државниот обвинител да ги именува правните советници во Министерството.

Нетанјаху, на кого му се суди за корупција, тврди дека оваа реформа би ја унапредила демократијата.

На веб страницата на Anadolu Agency (AA) објавена е само дел од содржината на вестите од Системот на проток на вести (HAS)..