Денеска во Кривичен суд продолжува судењето за двојното убиство на малата Вања Ѓорчевска и на пензионерот Панче Жежовски.
На претходното рочиште сведочеше мајката на Вања, која кажа дека заедно со таткото Александар ја барале ќерката во една напуштена куќа на Партизанска. Исто така рече дека Александар веднаш се посомневал дека е киднапирана.
-Нема докази, верувам дека ќе ја докажеме невиноста на мојот клиент Љупчо Палевски, изјави адвокатот Марјан Витановски.
Мајката кажа дека не познава ниту еден од обвинетите. Ќерката на Панче Жежоски на минатото рочиште кажа дека имало недоразбирање помеѓу нејзиниот татко и Велибор Манев за поплочување на двор.
Петте обвинети – Љупчо Палевски Палчо, Велибор Манев, Борче Видевски, Влатко Кешишов и Александар Ѓорчевски, таткото на Вања – изјавија дека не се чувствуваат виновни. Обвинителството наведува дека мотивот за убиствата бил користољубие, но обвинетите го негираат ова тврдење, истакнувајќи дека дупките за жртвите биле ископани пред убиствата и дека не биле побарани никакви пари од мајката на Вања.
ИЗВОР: ТВ 21
