По барање на родителите, детето да не биде физички присутно во училиштето, се реши случајот со проблематичното дете од ОУ „Лазо Ангеловски, од скопската населба Аеродром“. Третооделенецот, ќе следи онлајн настава до крајот на првото полугодие.
За тоа време надлежните образовни и социјални органи ќе извршат соодветна проценка за заштита на детето и останатите деца во одделението. Бојкотот на наставата во ОУ „Лазо Ангеловски“ е прекинат и децата од вторник се враќаат во училишните клупи.
Учениците од ова основно училиште пред два дена почнаа со бојкотот откако проблематичниот ученик, по неуспехот да се префрли во ОУ „11 Октомври“ (каде што исто така протестираа родителите на учениците од ова училиште), беше вратен во ОУ „Лазо Ангеловски“. Родителите од одделението на ова дете уште лани бараа проблематичниот ученик да се пресели во некоја друга институција.
Денеска во училиштето бил присутен тим составен од Центарот за социјални работи за разрешување и следење на состојбата со актуелниот проблем со третоодделенецот којшто имал насилно поведение.
ИЗВОР: racin.mk
