Градоначалникот на Центар Горан Герасимовски без компас, врши притисок за запишување на дете избркано од повеќе училишта. Две инспекторки од Државниот просветен инспекторат наместо да иницираат систематско решавање на случајот со проблематичниот ученик, го продлабочуваат проблемот и вршат притисок врз директорката на ООУ „11-ти Октомври“ од Скопје да го запише детето.
Од она што е досега познато, поради лошото континуирано однесување на ученикот ден 16.10.2024 година ООУ Лазо Ангеловски од општина Аеродром со допис под број 03-434/1-1 и детални информации ја известува општина Аеродром дека се исрцпени сите можности за нормално присуство на ученикот по што истиот со согласност на просветните служби е префрлен на учење од далечина (online настава) до реализација на Одлуката за ПРЕМЕСТУВАЊЕ на сторителот во друго училиште согласно Упатството донесено од Министерството за образование и наука.
Спротивно на законските процедури, ООУ „Лазо Ангеловски“ од Аеродром не доставува никаква информација до ООУ „11-ти Октомври“ и дозволува постапката за испишување и запишување на ученикот да продолжи како редовна при што на овој начин вршат прикривање на докази и изигрување на системот.
По ваквите сознанија директорката на ООУ „11-ти Октомври“ со помош на родителите, а по претходно обезбедени докази ја повлече согласноста за прием на ученикот и го извести ООУ „Лазо Ангеловски“ и МОН за настанатиот проблем.
Инспекторките наместо да извршат точно детектирање на проблемот кој е настанат од страна ООУ „Лазо Ангеловски“ и таткото на ученикот кој дал невистинит исказ при интервјуто во новото училиште, и да ги информираат социјалните служби за трајно решавање на овој и други слични проблеми, сега вршат притисок врз директорката на ООУ „11-ти Октомври“ по секоја цена да го прими ученикот.
Родителите на учениците од ООУ „11-ти Октомври“ се едногласни дека нема да дозволат ученикот да биде запишан и проблемите да се префрлат на нов терен и стојат позади одлуката на директорката, во спротивно се спремни на радикализација преку бојкот на наставата.
ИЗВОР: kurir.mk
