АТИНА (АА) – Полска започна со обука на украински воен персонал кој ќе управува со тенковите Леопард 2, пренесува Анадолу.
При посетата на армиската касарна во југозападната област Свиетошов, каде полски инструктори го обучуваат украинскиот персонал во тенковски операции, министерот за одбрана Мариуш Блашчак повтори дека земјата ќе ги води напорите за изградба на коалиција на земји кои ќе ѝ обезбедат на Украина модели А4 од тенковите Леопард 2, објави државната новинска агенција ПАП.
Германија, од друга страна, ќе ѝ обезбеди на коалицијата понапредни модели на тенкови А6, додаде тој.
Блашчак истакна дека Канада веќе ѝ ги доставила тенковите Леопард 2 на Полска наменети за Украина, а разговорите со Шпанија се во тек.
„Очекуваме наскоро да пристигнат и норвешките тенкови“, додаде тој.
„Сега најголемиот предизвик за нас се резервните делови. Ова е задачата што ја поставивме за германската одбранбена индустрија“, објасни Блашчак.
Извор: www.aa.com.tr
