„ОНА, војската и амблемите на ОНА за оваа држава не важат воопшто“, порача Весна Јаневска.
Оваа изјава на министерката за образование Весна Јаневска предизвика многу реакции. Пратеникот Блерим Беџети рече дека ова не е прв пат министерката Јаневска да ги навредува Албанците.
„Сето ова арогантно и навредливо однесување на министерката за образование не е првпат. За истото прашање ги фаворизира комисиите за македонските училишта, а за децата Албанци кои подготвиле театарски претстави и рецитали за празниците се погрижи да биде назначено во владата дежурно лице да ги следи сите овие однесувања. Се разбира, овие навреди кон Албанците беа и во минатото кон албанските администратори“, вели Блерим Беџети.
Фатмир Лимани од редовите на коалицијата ВРЕДИ и министер за социјална политика, изјави дека историјата не може да се избрише и дека ОНА била дел од радикалните промени за правата и еднаквоста на Албанците.
„Татко ми настрада во војната! Историјата не се брише. Требаше да биде повнимателна во овој поглед, бидејќи во вториот дел од своето излагање спомена колку мајки од двете страни се изгорени од случајот со војната во 2001 година, но ќе ја оставам на нејзиното ниво. ОНА не се брише од историјата. Дури и ние членовите или составен дел од нејзиното формирање, дури и да сакаме да ја избришеме нејзината историја, нема да успееме“, вели Фатмир Лимани.
Министерката за образование и наука Весна Јаневска вчера изјави дека учениците во училиштата за време на прославата на знамето носеле униформи на ОНА и играчки пластични пушки, на демонстрациите на 28 ноември, како во Челопек, Чаир, Тетово и Струга. Таа покрена иницијатива Државниот просветен инспекторат да ги испита овие случаи. Но, имаше сличен случај како театарска претстава во општина Аеродром, каде учениците беа облечени како комити, за кои Јаневска рече дека се дел од историјата на државата, додавајќи дека воспитувачката на тие деца е отпуштена од работа и е на суд.
ИЗВОР: ТВ 21
