Поради нејзиното застапување на ЛГБТК-заедницата, кралицата Елизабета ја назначи за член на Новозеландскиот одред за заслуги во 2020 година. Таа е позната по нејзината работа за легализација на граѓанските заедници и геј-браковите и декриминализацијата на проституцијата
Џорџина Бејер од Нов Зеланд, првата отворено трансродова пратеничка во светот и неуморна застапничка за правата на ЛГБТК, почина на 65-годишна возраст. Таа долго време се борела со бубрежна болест, но причината за нејзината смрт не е наведена во соопштението.
Поранешна сексуална работничка, актерка и драг-кралица, Бејер, беше избрана во националниот парламент во 1999 година откако неколку години беше градоначалничка на Картертон, рурален град на Северниот остров во Нов Зеланд. Таа беше пратеник на Лабуристичката партија до 2007 година.
Поради нејзиното застапување на ЛГБТК-заедницата, кралицата Елизабета ја назначи за член на Новозеландскиот одред за заслуги во 2020 година. Таа е позната по нејзината работа за легализација на граѓанските заедници и геј-браковите и декриминализацијата на проституцијата.
Говорејќи во парламентот во 2003 година за прашањето за реформирање на законите за проституција, таа рече:
„Го поддржувам овој предлог-закон поради сите проститутки што ги познавав кои умреа пред да наполнат 20 години поради нечовечноста и лицемерството на општеството кое никогаш не им даде шанса да се извлечат од околностите што ги натераа да влезат во таа индустрија“.
Таа има маорско потекло и повторно се кандидира за пратеник за поранешната партија Мана, но без успех.
По четири години на бубрежна инсуфициенција, што ја принудуваше да оди на дијализа секој ден, на Бејер ѝ беше трансплантиран бубрег во 2017 година.
Таа почина денеска во болница, се наведува во објавата на Фејсбук на нејзиниот пријател Скоти Кенеди.
„Џорџи беше постојано опкружена со најблиските и најмилите изминатава недела прифаќајќи го она што се случува, правејќи шеги и блескајќи во очите до последен момент“,
напиша Кенеди.
Премиерот Крис Хипкинс рече дека Бејер оставила неизбришлива трага во парламентот.
„Сигурно мислам дека Џорџина отвори пат што ќе биде полесен за другите да го следат“,
рече тој.
Извор: 360stepeni.mk
