Американскиот секретар за одбрана Лојд Остин во саботата потврди дека американската војска соборила „шпионски балон на голема височина лансиран од Народна Република Кина во воздушниот простор над водите во близина на брегот на Јужна Каролина“. Портпаролот на кинеското Министерство за надворешни работи во неделата изрази „силно незадоволство“ поради употребата на сила при соборувањето на балонот
Кина ги критикуваше САД за соборувањето на нивното летало над територијалните води на Соединетите Држави, за кое американските власти се сомневаат дека е шпионски балон, нарекувајќи го потегот „јасна претерана реакција“ што може да биде проследена со „неопходен одговор“ од Кина.
Американскиот секретар за одбрана Лојд Остин во саботата потврди дека американската војска соборила „шпионски балон на голема височина лансиран од Народна Република Кина во воздушниот простор над водите во близина на брегот на Јужна Каролина“. Портпаролот на кинеското Министерство за надворешни работи во неделата изрази „силно незадоволство“ поради употребата на сила при соборувањето на балонот.
САД: Балонот бил користен за шпионажа
Претходно во саботата, Кина ги отфрли обвинувањата за шпионажа, велејќи дека станува збор за истражувачки балон кој излетал од рутата поради „виша сила“ и ги обвини американските политичари и медиумите за искористување на ситуацијата за да ја оцрнат Кина, објави Ројтерс.
„Портпаролот на американското Министерство за одбрана исто така изјави дека балонот нема да претставува воена или лична закана. Во такви околности, САД инсистираат на употреба на сила, очигледно претерано реагирајќи и сериозно прекршувајќи ја меѓународната практика. Кина одлучно ќе ги заштити легитимните права и интереси на релевантните компании, задржувајќи го правото да преземе дополнителни неопходни реакции“,
реагираше Кина.
Претставник на американската одбрана објасни дека кинескиот балон е дел од надзорната флота балони кои вршат шпионажа на пет континенти, пренесува Ројтерс. Кинескиот балон не бил метеоролошки балон, туку шпионски балон со задача да добие податоци за чувствителни воени локации, изјави претставник на американската одбрана.
Пентагон го објави присуството на балонот во четвртокот додека лебдеше над Монтана, каде што 150 интерконтинентални балистички ракети вооружени со нуклеарни боеви глави се складирани во воена база на север, според извештајот.
Пентагон соопшти дека е виден втор балон
Пентагон соопшти дека претседателот го одобрил уривањето истиот ден. Американскиот државен секретар Антони Блинкен го нарече упадот на „надзорен балон“ во воздушниот простор на САД „неприфатлив“ и „неодговорен“ и ја откажа планираната посета на Пекинг.
Одложувањето на патувањето на Блинкен, договорено во ноември од страна на Бајден и кинескиот претседател Си Ѓинпинг, е удар за оние кои ја видоа посетата како можност за стабилизирање на влошените односи меѓу двете земји.
Кина се надева на стабилни односи со САД за да може да се фокусира на својата економија, која е загрозена од сега напуштената политика на нулта толеранција кон ковид и запоставена од странските инвеститори, исплашени од враќањето на државниот интервенционизам на пазарот.
Пентагон во петокот соопшти дека втор кинески балон е забележан во Латинска Америка, но не ја прецизираше точната локација.
Извор: 360stepeni.mk
