По двете масовни убиства, српската опозиција излезе на протест под слоганот „Србија против насилството“

May 8, 2023
1 min read

Организаторите на протестот, парламентарните опозициски партии, упатија повеќе барања до властите, меѓу кои и згаснување на магазините и таблоидите кои промовираат омраза и насилство и го кршат новинарскиот кодекс. Во оваа група на барања е и конфискација на фрекфенциите на телевизиите Пинк и Хепи и стопирање на реалните шоуа и програми кои промовираат насилство, неморал и агресија, а кои се емитуваат на националните телевизии

Денешните протести доаѓаат по двете масовни убиства кои минатата недела се случија во Србија

Под слоганот „Србија против насилството“ денеска пред зградата на српскиот парламент се одржува протест на кој повикаа парламентарните опозициски партии, а повод за неговото одржување, како што се вели во најавата, е реакцијата на државата по двете масовни убиства што се случија во Србија на 3 и 4 мај.

Фото: Н1

Организаторите на протестот своите барања до властите ги поделија во три групи. Првата група на барања се насочени кон регулација на медиумите кои промовираат насилство и го кршат новинарскиот кодекс.

Опозициските партии бараат смена на Советот на Регулаторното тело за електронски медиуми (РЕМ), како и згаснување на магазините и таблоидите кои промовираат омраза и насилство и го кршат новинарскиот кодекс. Во оваа група на барања е и конфискација на фрекфенциите на телевизиите Пинк и Хепи и стопирање на реалните шоуа и програми кои промовираат насилство, неморал и агресија, а кои се емитуваат на националните телевизии.

Фото: Н1

Во втората група на барања, организаторите на денешните протести бараат разрешување на министерот за образование Бранко Ружиќ, министерот за внатрешни работи Братислав Гашиќ и директорот на Безбедносно-разузнавачката агенција, Александар Вулин.

Српскиот министер за образование Бранко Ружиќ вчера поднесе неотповиклива оставка од функцијата, а организаторите на денешниот протест на ова велат оти неговата оставка е доказ дека власта го познава само притисокот од граѓаните.

Организаторите на протестот од редовите на опозицијата бараат итна седница на собранието на која ќе се разгледува одговорноста на владата на Србија и безбедносната состојба во државата, како и долгорочни решенија кои треба да се спроведат за настани како минатонеделните никогаш повеќе не се повторуваат.

Опозиционерите го посочија 12 мај како краен рок за исполнување на овие барања.

Меѓу другите, на протестот повикаа Партијата за слобода и правда, Демократската партија, Движењето на слободни граѓани, Народната партија, партијата Заедно, Зелениот левичарски фронт.

Денешните протести доаѓаат по двете масовни убиства кои се случија во Србија.

Осум деца и еден возрасен беа убиени на 3 мај во вооружен напад на 13-годишен ученик во основното училиште „Владислав Рибникар“ во Белград. Во нападот се ранети уште деца и еден наставник, а напаѓачот е уапсен.

Во четвртокот, 4 мај, 21-годишен напаѓач уби осум лица и рани 14 во селата Мало Орашје и Дубона кај Младеновац.

Извор: 360stepeni.mk

VERO JUMBO

EVN MACEDONIA

MATINA DENTAL CLINIC

AUTO SHKOLLA BEKO

Претходно

Вечерва во 360°: Кога државата капитулира пред една дивоградба

Следно

ШОК ЗА ФУДБАЛСКИОТ СВЕТ: Одбил во игра да влезе како резерва, исчезна фудбалер

Latest from Blog

Проданоски: Буџетот за 2027 година го креираме со предлозите на прилепчани

Општина Прилеп ги заврши средбите со сите урбани заедници во градот во рамките на консултациите за подготовка на Буџетот за 2027 година. Градоначалникот Дејан Проданоски најави дека процесот продолжува со средби со

Николоски: Од 1 јануари само Државната лотарија ќе може да организира онлајн игри на среќа

Владата го измени Законот за игри на среќа, со кој јасно се ограничува организирањето на игри на среќа. Само Државната Лотарија ќе може да организира игри на среќа, дополнително се воведе ограничување

Божиновска: По три децении зависност од еден гасен правец, Македонија работи на нови врски со соседите

Македонија три децении зависела од само еден правец за снабдување со природен гас, а новите поврзувања со соседите треба да ја намалат таа зависност, порача министерката за енергетика, рударство и минерални суровини,

Битола не ги заборава своите херои: Одбележана 82-годишнината од формирањето на Првата егејска македонска ударна бригада

Во Битола свечено беше одбележана 82-годишнината од формирањето на Првата егејска македонска ударна бригада, со положување свежо цвеќе, оддавање почит и пригодна културно-уметничка програма. Одбележувањето се одржа пред спомен-плочата кај Територијалната противпожарна

Божиновска: Гасните врски со Грција и Србија се приоритет за посигурно снабдување

Гасните интерконектори со Грција и Србија, Вертикалниот гасен коридор и повторното ставање во функција на продуктоводот Солун–Скопје се меѓу проектите со кои Македонија работи на посигурно снабдување со енергија. Ова го истакна
Go toTop