Пленковиќ и Брнабиќ во Загреб разговарале за сите отворени прашања: Треба да ги решаваме со дијалог  

Во дијалог треба да продолжиме да ги решаваме отворените прашања и да ја подобруваме економската, транспортната и енергетската соработка, напиша Пленковиќ на Твитер. Српската премиерка изјави дека имала добри и конкретни разговори со својот хрватски колега. Двајцата разговарале за обвновување на железничкиот сообраќај меѓу Белград, Загреб и Љубљана, а исто така, како што рече, ги допреле сите отворени прашања, колку и да се тешки и емотивни

Хрватскиот премиер Андреј Пленковиќ денеска по средбата со премиерката на Србија Ана Брнабиќ изјави дека отворените прашања меѓу двете земји треба да се решаваат со дијалог.  

 „Во дијалог треба да продолжиме да ги решаваме отворените прашања и да ја подобруваме економската, транспортната и енергетската соработка. Се грижиме за заштита на хрватското малцинство во Србија, како и на Србите во Хрватска“,

напиша Пленковиќ на Твитер. 

Ususret Velike skupštine @SrpskoV, susret s premijerkom @anabrnabic. U dijalogu trebamo nastaviti rješavati otvorena pitanja i unaprjeđivati gospodarsku, prometnu i energetsku suradnju. Vodimo brigu o zaštiti hrvatske manjine u Srbiji, kao i srpske manjine u Hrvatskoj. pic.twitter.com/DeX89sFOTT

— Andrej Plenković (@AndrejPlenkovic) April 30, 2023

Тој денеска во Загреб ја прими српската премиека која допатува во Хрватска на Големото собрание на Српскиот национален совет.  

Околу 1 500 избрани советници и претставници на српското национално малцинство од повеќе од 150 општини, градови и окрузи, релевантни организации на српската заедница во Хрватска и малцинства и институции за заштита на човековите права се собраа на 4. Големо собрание на СНС, пренесува Бета. 

Од Српскиот национален совет преку соопштение потестуваат дека Големото собрание беше обвновено во 2008 година како дел од Советот.  

Во соопштението се наведува дека на претходните собранија била потврдена посветеноста на Србите во Хрватска за решавање на прашањата кои произлегуваат од војната, правата на националните малцинства, соживотот со мнозинскиот народ и подобрувањето на меѓудржавните односи меѓу Хрватска и Србија. 

Српската премиерка изјави дека имала добри и конкретни разговори со својот хрватски колега, пренесе РТС. Двајцата разговарале, за обвновување на железничкиот сообраќај меѓу Белград, Загреб и Љубљана, а исто така, како што рече, ги допреле сите отворени прашања, колку и да се тешки емотивни.   

„Разговаравме како да се работи за решавање на овие прашања“,

рече Брнабиќ. 

Таа порача дека вратите на сите институции во Србија, вклучително и на претседателот, се отворени за дијалог со претставниците на Србите во Хрватска, како и со Хрватите во Србија.  

„Нашите народи се насочени еден кон друг и се и мора да бидат едни од најнеопходните гаранти на мирот, стабилноста и просперитетот во овој дел од Европа“,

рече Брнабиќ. 

 Таа ѝ честиташе на Хрватска за влезот во еврозоната и Шенген зоната, како и за договорот за двојно оданочување со САД. 

 „Во регион како нашиот, секој успех значи поголема стабилност и подобар потенцијал за сите нас“,

изјави Брнабиќ во Загреб.