Папата Франциск излезе од болница – јадел пица и крстил бебе додека бил хоспитализиран

Папата беше хоспитализиран во средата откако неколку денови имал проблеми со дишењето. Потоа од Ватикан посочија дека тој се лекува од бронхитис и прима терапија со антибиотици

Папата Франциск (86) денеска ја напушти болницата во Рим каде беше хоспитализиран во понеделникот поради проблеми со дишењето.

Како што соопшти Ватикан, тој се лекувал од бронхитис.

За време на престојот во болницата една вечер тој јадел пица со медицинскиот персонал, а крстил и едно бебе во педијатриското одделение.

Тој, според најавите, ќе биде присутен и на плоштадот „Свети Петар“ на Цветници на почетокот на Светата недела, но не е познато дали тој ќе ја држи мисата.

„Медицинскиот тим што ја следи неговата состојба, откако го оцени резултатот од тестовите извршени денеска и поволното клиничко закрепнување, потврди дека тој може да биде отпуштен од болница“,

изјави синоќа портпаролот на Ватикан Матео Бруни.

Папата беше хоспитализиран во средата откако неколку денови имал проблеми со дишењето. Потоа од Ватикан посочија дека тој се лекува од инфективен бронхитис и прима терапија со антибиотици.