ИСТАНБУЛ (АА) – Сирискиот ‘свиркач’ – информатор, познат како „Цезар“, кој на медиумите им достави илјадници фотографии кои ја документираат тортура и масовните убиства во притворните центри на соборениот сириски режим, го откри својот идентитет, јавува Анадолу.
Тој за Ал Џезира откри како ги обелоденил документите кои ја откриваат тортурата и убиствата во затворите на режимот на Асад, кој беше соборен од сириската опозиција на 8 декември.
Фаред ал-Мадхан, поранешен офицер во сириската воена полиција, потврди дека тој е човекот кој стои зад најголемото протекување докази за воените злосторства од страна на режимот на Асад.
По потекло од Дара, тој работел како шеф на Одделот за форензички докази во Дамаск, каде тајно собирал и криумчарел илјадници фотографии на затвореници кои умреле под тортура.
Ал-Мадхан рече дека ги криумчарел фотографиите во мемориски картички скриени во неговата облека и леб за да избегне нивно откривање од структурите на режимот.
Тој додаде дека користел и „службена воена и лажна цивилна лична карта за да патува помеѓу неговото работно место во Дамаск и неговиот дом во Ал-Тал“.
„Операцијата на криумчарење се одвиваше речиси секојдневно“, рече Ал-Мадхан и додаде дека фотографиите ги носел од неговата канцеларија до неговиот дом.
Извор: Anadolu Agency (AA)
