Орбан: Шведска прво треба да ги подобри односите со Унгарија, а потоа да влезе во НАТО

Шведска и Финска поднесоа барање за приклучување кон Организацијата на Северноатлантскиот договор минатата година по руската инвазија на Украина, но Турција и Унгарија ја блокираа апликацијата на Шведска

Односите меѓу Унгарија и Шведска мора да се подобрат пред да биде одобрена кандидатурата на оваа нордиска земја за членство во НАТО, изјави унгарскиот премиер Виктор Орбан на Економскиот форум во Катар.

Шведска и Финска поднесоа барање за приклучување кон Организацијата на Северноатлантскиот договор минатата година по руската инвазија на Украина, но Турција и Унгарија ја блокираа апликацијата на Шведска, а Будимпешта го наведе незадоволството од критиките на Шведска за потезите на Орбан за демократијата и владеењето на правото.

„Политичките односи меѓу Унгарија и Шведска се ужасно лоши, не сакаме да внесуваме конфликти во НАТО“,

рече Орбан, пренесува Радио Слободна Европа.

Сè уште нема датум кога унгарскиот парламент би можел да гласа за кандидатурата на Шведска за прием, а НАТО најави состанок на шефовите на држави и влади во јули