Од детска забава до фатална трагедија: Што е познато досега за инцидентот во Илинден

February 26, 2023
1 min read

Со двете малолетни лица кои биле со загинатото девојче веќе е извршен разговор, местото на несреќата е фотографирано, а телото е дадено на обдукција. Зошто девојчето решило да се качи на еден од вагоните, официјални информации нема. Она што неофицијално го објавија дел од медиумите денеска е дека една од причините може да било да се направат фотографии или видеа за социјалните мрежи

Извор: „Макфакс“

Што довело до трагичниот настан синоќа во Илинден во кој девојче што се качило на вагон го загуби животот, официјален одговор се чека од Основното јавно обвинителство (ОЈО) Скопје кое денеска соопшти дека ги испитува сите околности.

Она што е познато од официјалните соопштенија на институциите и изјавите за медиумите, е дека пријавите за инцидентот стигнале околу 21:05 часот вчеравечер.

Во првичната информација од МВР синоќа, според пријавата што ја дал жител на Илинден, беше наведено дека пожарот бил во складиштето на „Макпетрол“ и дека цистерната е опожарена од малолетни лица.

„Во 21:05 часот во ПО – Петровец, С. К. пријавил дека во населбата Илинден, кај железничката станица во складиштето на ’Макпетрол‘, од страна на малолетни лица е опожарена цистерна. Двете малолетни лица се кај него дома и по извршениот разговор со децата, посочено е дека во цистерната најверојатно има малолетно женско лице и истото е починато“,

рекоа првично од МВР.

Меѓутоа, по направениот увид денеска и МВР и Основното јавно обвинителство (ОЈО) Скопје излегоа со соопштенија во кои беше наведено дека девојчето се качило на вагон-цистерна и допрело жица за струја со висок напон, при што дошло до струен удар.

Несреќата не се случила во складиште на „Макпетрол“, што синоќа беше демантирано и од компанијата, туку кај железничката станица во Општина Илинден, на паркираните вагони, односно цистерни за гориво.

Девојчето таму било со уште две малолетни лица. Зошто решило да се качи на еден од вагоните, официјални информации нема. Она што неофицијално го објавија дел од медиумите денеска е дека една од причините може да било за да се направат фотографии или видеа за социјалните мрежи.

Телма ТВ објави дека неофицијално девојчето се качило за да сними видео за ТикТок.

Инцидентот го забележал сосед кој живеел во близина.

Пријава стигнала до „Македонски железници“ дека има пожар на еден од вагоните-цистерна на станицата во Илинден и оти едно лице загинало од струен удар. Оттаму во 21:05 ч. го информирале Центарот за управување со кризи (ЦУК).

Истото време на пријавување на инцидентот го наведоа и во денешното соопштение од МВР.

На терен беше и Противпожарната бригада на Град Скопје кои го гаснеле пожарот со две возила и седум пожарникари.

Телото на девојчето било пронајдено на вагонот.

Увид на местото на несреќата правеа полициски екипи, дежурниот обвинител во ОЈО Скопје и обдуцент од Институтот за судска медицина.

Од скопското обвинителство соопштија дека со двете малолетни лица веќе е извршен разговор, местото на несреќата е фотографирано, а телото на девојчето е дадено на обдукција и се работи на испитување на сите околности кои довеле до трагичниот настан.

ИЗВОР: 360stepeni.mk

VERO JUMBO

EVN MACEDONIA

MATINA DENTAL CLINIC

AUTO SHKOLLA BEKO

Претходно

СПМ против предлогот на Алтернатива за заедница на албански општини

Следно

(ВИДЕО) Зеленски покажа каде живее во време на војната: Чува и едно „сако за победа“

Latest from Blog

Божиновска: Македонија е дел од трансатлантскиот дијалог за енергетска безбедност

Министерката за енергетика, рударство и минерални суровини, Сања Божиновска, на 18 и 19 ноември ќе учествува на Седмиот состанок на Партнерството за трансатлантска енергетска соработка (P-TEC) во Варшава, Полска, организиран во соработка

Коњановски: Гласот на младите треба да се преточи во конкретни локални решенија

Триесет средношколци од Битола развија проектни предлози за решавање проблеми во својата заедница, во рамките на проектот ЛАПСИ – Локални активни платформи за социјални иновации. На денешната работилница тие ги финализираа идеите

Општина Прилеп: Втор повик за поддршка на семејствата со првачиња во учебната 2026/2027 година

Општина Прилеп објави втор јавен повик за доделување еднократна парична помош на семејствата со деца запишани во прво одделение во учебната 2026/2027 година. Повикот е наменет за родителите кои не аплицирале во

Општина Битола: Продолжува креирањето на буџетот за 2027 година заедно со граѓаните

Општина Битола го најави одржувањето на третиот буџетски форум, на кој граѓаните ќе имаат можност да учествуваат со свои идеи, предлози и иницијативи во процесот на креирање на општинскиот буџет за 2027

Божиновска: На 25 ноември во Скопје го отвораме Првиот форум за енергетска дипломатија

На 25 ноември, во хотелот „Александар Палас“ во Скопје, ќе се одржи Првиот форум за енергетска дипломатија „Обновливи извори и жените во енергетиката“, најави министерката за енергетика, рударство и минерални суровини, Сања
Go toTop