Од денеска до 8 јуни граѓаните на Србија ќе можат да го предадат нелегалното оружје без да сносат одговорност

May 8, 2023
1 min read

Претседателот на Србија, Александар Вучиќ, во синоќешното гостување во „Дневникот“ на РТС изјави дека граѓаните добиле можност сами да го предадат нелегалното оружје во текот на следниот месец без последици, а по тој рок ќе се соочат со тешки казни. Српското МВР ја покрена акцијата за предавање на нелегалното оружје по двете масовни убиства што се случија белградското основно училиште „Владислав Рибникар“ и во селата кај Младеновац и Смедерево

Граѓаните на Србија во следните месец ќе можат без санкции да го предадат нерегистрираното оружје во најблиската полициска станица. Во тој период граѓаните кои ќе го предадат нерегистрираното оружје нема да одговараат ниту кривично ниту ќе сносат некакви последици и не мора да го докажуваат потеклото на оружјето.

Илустративна фотографија

Министерството за внатрешни работи на Република Србија ги повика граѓаните кои поседуваат нерегистрирано оружје до 8 јуни годинава да го предадат во најблиската полициска станица.

Претседателот на Србија, Александар Вучиќ, во синоќешното гостување во „Дневникот“ на РТС изјави дека граѓаните добиле можност сами да го предадат нелегалното оружје во текот на следниот месец без последици, а по тој рок ќе се соочат со тешки казни.

„Ги повикуваме граѓаните кои поседуваат нелегално оружје да се јават на овој повик, да се обратат во најблиската полициска станица и да го предадат оружјето за кое немаат документи“,

изјави Јелена Лакиќевиќ, раководител на Одделението за оружје од Управата за управни работи на Министерството за внатрешни работи на Србија.

Таа прецизира дека поканата се однесува на сите видови оружје, автоматско, како и секое друго оружје – минско-експлозивни средства, делови за оружје и муниција, кои нелегално ги чувале.

„Истовремено, Министерството за внатрешни работи ги повикува оние граѓани што по смртта на сопственикот не го предале оружјето на чување во полициските станици, тоа да го сторат сега“,

рече Лакиќевиќ.

Оружјето, кое недозволено го поседуваат, граѓаните ќе може да го предадат во полициска станица секој ден, од 7 до 19 часот, во наведениот рок, без никакви последици.

Српското Министерство за внатрешни работи ја покрена акцијата за предавање на нелегалното оружје по двете масовни убиства што се случија белградското основно училиште „Владислав Рибникар“ и во селата кај Младеновац и Смедерево. Во два масакри беа убиени 17 лица, а над 20 беа ранети.

Од денеска, исто така, полициски патроли ќе бидат распоредени во близина на секое училиште во Србија, а засилено полициско присуство ќе има на сите јавни места каде што се собираат поголем број луѓе. Ова е исто така една од мерките што ги најавија српските власти по двата крвави масакри. Видливо полициско присуство ќе има во трговските центри, парковите и на плоштадите, најави викендов државниот секретар на српското МВР, Данило Стевандиќ, во гостување на ТВ Пинк.

Извор: 360stepeni.mk

VERO JUMBO

EVN MACEDONIA

MATINA DENTAL CLINIC

AUTO SHKOLLA BEKO

Претходно

Туркије: Над 1,7 милиони луѓе на митингот во Истанбул

Следно

Концерт „Филиз“ на пијанистката Мари – Анж Нгучи во Филхармонија

Latest from Blog

Општина Прилеп: Втор повик за поддршка на семејствата со првачиња во учебната 2026/2027 година

Општина Прилеп објави втор јавен повик за доделување еднократна парична помош на семејствата со деца запишани во прво одделение во учебната 2026/2027 година. Повикот е наменет за родителите кои не аплицирале во

Општина Битола: Продолжува креирањето на буџетот за 2027 година заедно со граѓаните

Општина Битола го најави одржувањето на третиот буџетски форум, на кој граѓаните ќе имаат можност да учествуваат со свои идеи, предлози и иницијативи во процесот на креирање на општинскиот буџет за 2027

Божиновска: На 25 ноември во Скопје го отвораме Првиот форум за енергетска дипломатија

На 25 ноември, во хотелот „Александар Палас“ во Скопје, ќе се одржи Првиот форум за енергетска дипломатија „Обновливи извори и жените во енергетиката“, најави министерката за енергетика, рударство и минерални суровини, Сања

Николоски од Виена: Македонија ќе стане клучна транспортна крстосница во Југоисточна Европа

Предизвикот за земјите од регионот е како заеднички да настапуваат на европскиот пазар, како да се натпреваруваат со конкуренцијата и како да се постигне повисоко ниво на развој. За овие прашања,  за

Тоневски: Пробиштип со подобри услови за итни медицински интервенции

Две нови, современо опремени амбулантни возила пристигнаа во ЈЗУ Здравствен дом „Нада Михајлова“ во Пробиштип, информира градоначалникот Тони Тоневски. Според него, возилата ќе придонесат за подобри услови за работа на службата за
Go toTop