Погледнете го новото издание на емисијата „360 степени“, емитувано на 26 мај 2023 г. на ТВ Алсат, во кое гостуваше министерот за надворешни работи и портпарол на ДУИ, Бујар Османи
Со шефот на дипломатијата и портпарол на ДУИ, Бујар Османи, разговараме за наводите на лидерот на ВМРО-ДПМНЕ, Христијан Мицкоски, дека партнерите во Владата договараат редефинирање на државата. Спротивно на ова се критиките од кругови во албанската заедница за информациите од работната група за уставни измени дека замена на „20 отсто“ со „албански јазик“ нема да биде на дневен ред. Османи го прашуваме и дали се опција избори наесен ако не се стигне до двотретинско мнозинство во парламентот и зошто граѓаните сега треба да веруваат дека се отвора „брза патека кон ЕУ“ (поради Украина) по сите изневерени очекувања. Тема се и проблемите во областите на владеење на правото, ефикасност и независност на правосудството, борбата против корупцијата. Со Османи разговаране и за превирањата во ДУИ и издржаноста на ставот на раководството предводено од Али Ахмети дека со напуштање на состанокот на 1 април дел од фракционерите се „самоисклучиле“ од партиските органи.
ИЗВОР: 360stepeni.mk
