Погледнете го новото издание на емисијата „360 степени“, емитувано на 3 март 2023 г. на ТВ Алсат, во кое гостуваше директорската на Академијата за судии и јавни обвинители, Наташа Габер-Дамјановска
Советот на јавни обвинители донесе одлука да распише оглас за прием на 31 јавен обвинител, а меѓу 28-темина кандидати што може да конкурираат, најзвучното име за кое се крена врева во јавноста по објавувањето на листата на оние што ја завршиле обуката на Академијата за судии и јавни обвинители, е Барлет Џафери, син на претседателот на Собранието, Талат Џафери. На списокот се и синови, ќерќи и сопружници на поранешни и активни судии, обвинители, адвокати, политичари… Дали во држава во која довербата во судството и во обвинителството е многу ниска, пред се, поради перцепцијата за надворешни влијанија, кога ќе слушнете дека синот на претседателот на парламентот ќе биде јавен обвинител, тоа придонесува за зголемување на довербата или не – е едно од прашањата до директорката на Академијата за судии и јавни обвинители, Наташа Габер-Дамјановска. Регрутирањето на идните судии и обвинители, квалитетот на обуката што ја добиваат и колку таа ги подготвува за сериозните задачи со кои се соочуваат при идната работа, се тема на која разговараме со директорката на Академијата.
ИЗВОР: 360stepeni.mk
