Нејмар од 2017 година е член на Пари Сен Жермен, период кој дефинитивно е исполнет со многу драми, најави за заминувања, конфликти со навивачи, смирување на тензии или се на се турбулентни години во кои тој не се стабилизира како лидер, човек кој требаше да донесе магија и го донесе пехарот од Лигата на шампионите по оној бомбастичен трансфер од Барселона вреден рекордни 222 милиони евра.
Клубот долго време не сакаше да чуе за разделба со Бразилецот кога имаше реална можност тоа да се случи, но времињата се менуваат и сега ПСЖ е спремен да слушне понуди за ѕвезда, да се ослободи од него во летниот преоден рок. Меѓутоа „Л’Екип“ пренесува дека сега Нејмар не сака да си замине од клубот со кој има долгорочен договор.
Тој поради повреда нема да биде достапен до крајот на сезоната, ама во првата порака по најавата за операција истакна дека ќе се врати посилен што е уште една потврда за неговиот став.
Останува да се види дали ПСЖ може да најде формула во која ќе го „избрка“ Нејмар при што е јасно дека ќе мора да прифати трансфер обештетување кое е далеку од оние 222 милиони евра кои ги плати пред шест години.
ИЗВОР: kurir.mk
