НАТО со порака за солидарност со Туркије

БРИСЕЛ (АА) – Генералниот секретар на НАТО, Јенс Столтенберг, истакна дека земјите членки на НАТО се во силна солидарност со Туркије поради земјотресите што ја погодија земјата, јавува Анадолу.

Столтенберг ја започна прес-конференцијата организирана по повод Состанокот на министрите за одбрана на земјите членки на НАТО, што ќе се одржи на 14 и 15 февруари во Брисел, осврнувајќи се на земјотресите во Туркије.

„Нашите мисли се со турскиот народ“, рече Столтенберг, додавајќи дека земјите членки на НАТО испратиле бројни тимови во Туркије, меѓу кои спасувачи, пожарникари, здравствени работници и експерти за земјотреси.

Столтенберг рече дека земјите членки на НАТО ќе ѝ дадат на Туркије помош за засолнување од различен вид.

„Во силна солидарност сме со нашиот сојузник Туркије“, додаде генералниот секретар на НАТО, Јенс Столтенберг.

Два разорни земјотреси со јачина од 7,7 и 7,6 степени според Рихтер ги погодија јужните делови на Туркије со епицентар во Кахраманмараш на 6 февруари, а бројни спасувачки екипи сè уште ревносно работат на пребарување и спасување на луѓето затрупани во урнатините на зградите. Во земјотресите во Туркије животот го загубија најмалку 31.643 луѓе, додека во Сирија загинаа најмалку 3.575.

На веб страницата на Anadolu Agency (AA) објавена е само дел од содржината на вестите од Системот на проток на вести (HAS)..