Најмалку 37 Палестинци се убиени последните 24 часа во израелските напади врз Појасот Газа

September 7, 2024
1 min read

ГАЗА (АА) – Според палестинската официјална новинска агенција ВАФА, 8 Палестинци се убиени, а 15 се повредени нешто по полноќ во израелски ракетен напад со дрон врз училиштето Халима ал Садија, сместено во шаторската населба на раселените Палестинци во регионот Цибалија во северниот дел на Појасот Газа, пренесува Анадолу.

Телата на 5 Палестинци убиени во израелскиот напад на куќа на запад од бегалскиот камп Нусејрат се донесени во болницата Загинати херои на Ал Акса.

Големи експлозии се случија и во областите југоисточно од округот Зејтун, кој беше подложен на интензивно бомбардирање од страна на израелските сили.

Имаше убиени и повредени и во бомбардирањеето на куќа во регионот Каул-Курејн, јужно од Хан Јунис.

Голем број луѓе, вклучително и деца, се убиени во нападот на Израел врз станбена зграда во областа Ан-Наср, во западниот дел на градот Газа.

Најмалку 37 Палестинци се убиени во израелските напади во Појасот Газа, кои продолжуваат од петокот наутро.

– 5 Палестинци се убиени во израелски воздушни напади врз централна и северна Газа

Палестинската официјална новинска агенција ВАФА објави дека Израел гранатирал населено место во областа Ан-Наср во северниот дел на градот Газа.

Во нападот убиено е едно девојче, а големиот број повредени Палестинци се пренесени во Баптистичката болница „Ел Ехли“ во градот.

Палестинската Црвена полумесечина објави дека во нападот на израелските авиони врз бегалскиот камп Бурајџ во централниот дел на Појасот Газа се убиени 4 лица, а 10 се повредени, меѓу кои има и деца.

Повредените се пренесени во болницата Ел Авде во бегалскиот камп Нусајрат.



На веб страницата на Anadolu Agency (AA) објавена е само дел од содржината на вестите од Системот на проток на вести (HAS). За целосната содржина на вестите ве молиме контактирајте нè за претплата.

Извор: Anadolu Agency (AA)

VERO JUMBO MACEDONIA

EVN MACEDONIA

AUTO SHKOLLA BEKO

MATINA DENTAL CLINIC

Претходно

Почесна артилериска стрелба по повод Денот на независноста

Следно

ФОТО+ВИДЕО: Солзи на теренот, Луис Суарез се збогуваше со репрезентативниот дрес

Latest from Blog

Фото: Убава актерка во секси бикини

Сидни Свини сè уште се чини дека е во центар на  вниманието на светската јавност, а странските медиумски фотографи го следат секој нејзин потег. Сега жешките фотографии на актерката се појавија на

Статуа стара 1.800 години откриена во Турција

Ископувањето е спроведено на стадион стар 2.000 години, за кој се верува дека го изградиле македонски војници кои се населиле во областа за време на анадолската кампања на Александар Македонски. Според археолозите,

Серија предомислувања во СДСМ: Спасовски пишман-координатор, Филипче пишман-црвенолинијаш

Оливер Спасовски останува координатор на пратеничката група на СДСМ во Собранието, рече денеска на прес-конференција претседателот на партијата Венко Филипче. Тој одговори на новинарско прашање во врска со неодамнешната изјава на Спасовски
Go toTop