Вториот круг претседателски избори и парламентарните избори утре ќе ги следат 1303 домашни набљудувачи, 860 странски набљудувачи и 83 странски новинари, информираа на денешната седница на Државната изборна комисија.
Мисијата на ОБСЕ/ОДИХР има акредитирано 410 набљудувачи и 14 експерти. Во меѓувреме, Здружението за развој на општеството и социјалните иновации „Веј кап“ ќе ги набљудува изборите со 752 претставници.
ОБСЕ ќе има 138 набљудувачи, додека парламентарниот комитет на Советот на Европа ќе испрати 33 набљудувачи. Амбасадата на Соединетите Американски Држави ќе го набљудува изборниот процес со 68 набљудувачи.
Домашните организации објавија и телефонски броеви за пријавување изборни нерегуларности, притисоци, уцени, а во меѓувреме ќе биде активна и Комисија на јавното обвинителство за евентуално гонење на кривични дела поврзани со изборниот процес.
Двојните избори ќе ги следат и 66 новинари од меѓународни медиуми како Ројтерс, Асошиетед прес, Ал Џезира и Фанс прес.
Адријан Керими
Извор: alsat.mk
