Синоќа дел од медиумите јавија дека во полиција имало пријава за наводно исчезнато бебе на Клиничкиот центар. Имено, според она што го пренесоа медиумите, а повикувајќи се на пријава од родителите, бебето исчезнало кога од Клиниката за гинекологија било префрлено на Детската клиника. Клиниките веднаш излегоа со информација дека немале регистрирано таков пациент
Министерството за внатрешни работи, во координација со ОЈО-Скопје, го расчисти случајот со наводно исчезнато дете на Клинички центар, при што е утврдено дека станува збор за лажна пријава од страна на Л.А, информираат од полицијата.
„Веднаш по добиената пријава, од страна на Единицата за насилен криминал при СВР-Скопје, а во консултација со ОЈО-Скопје преземени се соодветни мерки и активности. Направени се детални проверки во системот на Гинеколошко-акушерска клиника Скопје за примени пациенти, и притоа констатирано е дека Л А. последен пат е хоспитализирана во 2019 година. Исто така направени се проверки во системот на Детска клиника и притоа не е забележано новородено дете како што пријави Л.А.“,
велат од МВР.
Оттаму додаваат дека биле направени проверки и во ординацијата на матичниот лекар на Л.А. и притоа било констатирано дека таа била на преглед на 08.03.2023 година каде што од страна на докторот било утврдено дека Л.А. не е трудна.
„Извршен е разговор со докторот и од прибраните докази е констатирано дека пријавата на Л.А. е лажна. Во консултација со дежурен јавен обвинител Л.А. е лишена од слобода и задржана во полициска станица за понатамошно постапување“,
додаваат од МВР.
Синоќа дел од медиумите јавија дека во полиција имало пријава за наводно исчезнато бебе на Клиничкиот центар. Имено, според она што го пренесоа медиумите, а повикувајќи се на пријава од родителите, бебето исчезнало кога од Клиниката за гинекологија било префрлено на Детската клиника. Клиниките веднаш излегоа со информација дека немале регистрирано таков пациент. Веста за наводно исчезнато бебе предизвика вознемиреност во јавноста.
ИЗВОР: 360stepeni.mk
