САРАЕВО (АА) – Министерството за надворешни работи на Палестина остро го осуди „грозоморното злосторство на израелските окупаторски сили што доведе до убиството на Кадер Аднан“, јавува Анадолу.
Министерството соопшти дека ја сметаат израелската Влада целосно и директно одговорна за ова злосторство.
„Шеикот Кадер Аднан 86 дена штрајкува со глад во израелски окупаторски затвор во знак на протест поради неговото апсење без обвинение. Неговото убиство е резултат на одбивањето на Израел да го ослободи и политиката на медицинско запоставување на палестинските затвореници“, соопшти палестинското Министерство.
Се додава дека Министерството ќе го достави досието за ова убиство до Меѓународниот кривичен суд.
„Министерството, исто така, ја повикува Меѓународната истражна комисија, која е на терен на окупираната палестинска територија, вклучително и Источен Ал-Кудс (Ерусалим) и во Израел да го истражи ова грозоморно злосторство што е дел од сериозното кршење на меѓународното хуманитарно право од страна на Израел и злоупотребата на меѓународните човекови права“, се додава во соопштението на Министерството за надворешни работи на Палестина.
Извор: www.aa.com.tr
