Меѓусебни обвинувања за инцидентите – Вреди и ВМРО-ДПМНЕ го посочија ДУИ, оттаму велат дека се креира вештачки виновник

December 1, 2024
1 min read

ДУИ го искористи Денот на знамето за поларизација и дестабилизација, обвини коалицијата „Вреди“. Според претставниците на власта, овој обид на ДУИ бил спречен поради, како што додаваат, ефикасноста на Владата и 17 лица се уапсени. Од „Вреди“ повикаа да се намалат тензиите и кажаа дека дел од уапсените се фотографирани со функционери на ДУИ.

„Сите инволвирани во инцидентите на празничната ноќ ќе ја добијат заслужената казна без разлика. Со ова темпо ќе ги демаскираме плановите на поранешната власт за дестабилизација на државата. Тоа што беше дестабилизиран таканаречениот „Европски Фронт“ не значи дека треба да се дестабилизира државата.“, вели Арбен Фетаи.

За ДУИ овие обвинувања се лажни. Според нив, има обид ДУИ да се поврзе со инцидентите за да се покријат неуспесите и дискриминаторските политики на Владата. Од партијата додаваат дека ќе преземат правни мерки за одговорност на сите инволвирани во ширењето на, како што истакнаа, дезинформациите.

„Ги повикуваме антиалбанската влада и институциите веднаш да престанат со оваа опасна реторика и да се посветат на праведно, непристрасно и професионално справување со настаните. Наместо да креираат вештачки виновници, нека се фокусираат на истрагата за сите учесници во инцидентите, без разлика на нивната етничка припадност или политичка позадина.“, велат од ДУИ.

Од друга страна, социјалдемократите повторно повикаа на итно одржување на лидерска средба со сите парламентарни партии. Според СДСМ, само на овој начин може да се испрати јасна порака дека Македонија е и ќе остане држава на мирот и соживотот. Од ВМРО-ДПМНЕ пак, соопштија дека сценариото на СДСМ и ДУИ за креирање вештачка криза и дестабилизација е навремено откриено и разбиено. Од владејачката партија додаваат дека опозицијата се обидува да дефокусира поради страв од соочување со правдата.

ИЗВОР: ТВ 21

VERO JUMBO MACEDONIA

EVN MACEDONIA

MARKETING

ЛОКАЛНИ ИЗБОРИ 2025

Претходно

Ден на македонскиот јазик и изложбата „Македонска глаголица“ на Трпков во Букурешт

Следно

Утре ќе се знае цената на струјата од 1 јануари?!

Latest from Blog

Тони Коњановски: Телевизиите треба да обезбедат рамноправност во изборната кампања

Актуелниот градоначалник на Битола и кандидат за нов мандат, Тони Коњановски, на вчерашната дебата во организација на телевизија „Тера“ ја повика медиумската куќа да овозможи еднаков простор за сите осум кандидати за

Албумен- човек кој си го сменил името поради љубов кон музиката и има над 23.000 албуми (ВИДЕО)

Тоа не е прекар – тоа е неговото законско име. Роден како Џим Комптон, тој официјално го промени во Албумен Комптон во 2005 година поради неговата длабока љубов кон музиката и собирањето

Потер е веќе во Шведска, наскоро ја презема репрезентацијата

Шведскиот спортски весник „Експресен“ тврди дека Греам Потер е првиот избор на Шведска за нов селектор на репрезентацијата. Според изворот, поранешниот менаџер од Премиер лигата е главен приоритет на Шведска. Шведската фудбалска

Божиновска: Македонија останува активен партнер во сите механизми на Берлинскиот процес

Берлинскиот процес претставува значајна платформа за соработка меѓу земјите од Западниот Балкан и европските партнери, со цел унапредување на регионалната интеграција, економски раст, подобрување на инфраструктурната конективност, како и приближување кон стандарди
Go toTop