Медиуми: Германија праќа 4.000 дронови во Украина

БЕРЛИН (АА) – Германија ќе ѝ испорача 4.000 беспилотни летала на Украина, објави денес дневниот весник „Билд“, пренесува Анадолу.

Се очекува Киев да ги добие беспилотните летала во следните неколку недели, откако германскиот министер за одбрана Борис Писториус во јуни најави дека ќе ја поддржи Украина со дополнителни системи во нејзината војна со Русија.

Беспилотните летала, наводно, ќе имаат значително поголем дострел од украинските камикази и би можело да се користат против тенкови и руски воени позиции.

Беспилотните летала се нарекуваат и „минитаурус“ во однос на германската крстосувачка ракета.

Во меѓувреме, Германија го повтори своето противење за праќање крстосувачки ракети „Таурус“ со долг дострел во Украина, дури и откако американските власти го сменија курсот за испорака на ракети со долг дострел.

„Да, федералната Влада е информирана за ова (одлуката на американската администрација, заб.а.) и не, тоа нема никакво влијание врз одлуката на канцеларот (Олаф Шолц, заб.а.) да не го испорача ‘Таурус’“, изјави заменик-портпаролот на германската Влада, Волфганг Бухнер, на брифингот со новинарите во Берлин.

Според извештаите на американските медиуми, американскиот претседател во заминување Џо Бајден ѝ дозволил на Украина да користи тактички ракетни системи со долг дострел (ATACMS) за „ограничени напади“ на руска територија.

Со дострел поголем од 500 километри, ракетите „Таурус“ се добро познати по успешното таргетирање на објекти, мостови и длабоко закопани цели, како што се командните бункери.

На веб страницата на Anadolu Agency (AA) објавена е само дел од содржината на вестите од Системот на проток на вести (HAS). За целосната содржина на вестите ве молиме контактирајте нè за претплата.