Руската армија лансира повеќе од 40 беспилотни летала кон главниот град на Украина, кои синоќа беа соборени од киевските системи за воздушна одбрана, при што едно лице загина, соопштија украинските власти.
Додека Киев денеска се подготвува да ја прослави годишнината од своето основање, руската војска го изведе досега најголемиот напад со беспилотни летала врз градот, јавува Ројтерс.
Градоначалникот на Киев, Виталиј Кличко, на својот профил на Телеграм напиша: „Експлозии во Киев. Информацијата е потврдена“.
Тој додаде дека системитe за противвоздушна одбрана во областа Киев се активни.
Претходно, украинските медиуми објавија дека експлозии се слушнале во бројни региони, вклучувајќи ги Житомир и Суми, и дека е прогласена воздушна тревога во поголемиот дел од Украина, Киев и Киевската област.
Извор: 360stepeni.mk
