Професорот Беким Максути вечерва во дебатниот магазин „Click Plus“ говореше за растечката тенденција на враќање на воениот рок во регионот.
Тој истакна дека треба да се најде баланс кој ќе ги задоволува сите страни за на крај да се стигне до тоа што се посакува.
„Ние сме имале таков систем. Се доведовме до ситуација да имаме повеќе кривични дела за луѓето кои избегнуваат да служат воен рок, отколку за криминалци кои се бават со сите други кривични дела. Дали системот може тоа да го издржи? Значи не е само дали сакаме да имаме обучени војници кои ќе служат воен рок, туку дали општеството е спремно за сето тоа“, вели Максути.
Според него, треба да се издејствува да се најде избалансиран модел во однос на содржината, времето или олеснителните околности кои ќе им се даваат на младите луѓе.
ИЗВОР: ТВ 21
