Тој на функцијата ќе остане до следните избори закажани за октомври годинава за кога прогнозите се дека на Лабуристите ќе им биде тешко да освојат уште еден мандат
Ардерн си поднесе оставка велејќи дека веќе нема енергија. Јас сум човек, рече таа, даваме колку можеме, а потоа е време да си одиме. Водењето на една земја, додаде премиерката во заминување, е најпривилегираната, но и најпредизвикувачката работа и не може и не треба да ја работите таа работа ако немате многу енергија
Актулниот министер за образование, полиција и јавни служби, Крис Хипкинс (44), веројатно ќе биде нов премиер на Нов Зеланд на местото на Џасинда Ардерн, која во четвртокот ја изненади јавноста објавувајќи дека си поднесува оставка.
Тој е единствениот номиниран за лидерската позиција на Лабуристичката партија, објавија оттаму, и се очекува утре и формално да биде потврден на состанок на пратениците од оваа партија.
Фактот што немаше други номинира кандидати говори дека пратениците стојат зад Хипкинс за да избегнат долготрајна трка за лидерската позиција во партијата, а со тоа и за премиерската функција.
Хипкинс првпат беше избран за пратеник во 2008 година, а во јавноста стана познат кога беше именуван за министер за ковид-19 во ноември 2020 година.
Тој ќе биде премиер до следните општи избори во Нов Зеланд закажани за 14 октомври 2023, за кога прогнозите се дека на Лабуристите ќе им биде тешко да освојат уште еден, трет последователен мандат, за да ја предводат владата пред конзервативната Национална партија.
Досегашната премиерка, Џасинда Ардерн, важеше за глобално призната како лице на прогресивната политика и рок ѕвезда на политичката сцена,
Таа ја водеше земјата во период кога се соочи со природни катастрофи, пандемијата на корона вирусот и најтешкиот терористички напад. Кога во четвртокот најави оставка рече дека веќе нема „доволно енергија“.
„Јас сум човек. Даваме колку што можеме, колку што можеме, а потоа е време да си одиме. За мене, тоа време е дојдено“,
рече Ардерн.
Водењето на една земја, порача таа, е најпривилегираната, но и најпредизвикувачката работа и не може и не треба да ја работите таа работа ако немате многу енергија.
Извор: 360stepeni.mk
