Од Брисел и Европа нема ништо ново, продолжува шареноликоста на изјави, ако сакаме да бидеме брутални, можеме да кажеме какафонија од Европа, рече Емил Кирјас, аналитичар и експерт за геопололитика, во вечерашното издание на „Топ тема“ на ТВ Телма во однос на ставовите за меѓународната политика и ескалацијата на судирите на Блискиот Исток по американско-израелските воздушни напади врз Иран.
„Нема унифициран став, нема заедничка позиција и она што е најзагрижувачки и што мене ме разочарува како Европјанин е тоа дека нема ништо од најавата на Европската Комисија дека ќе биде геополитичка комисија, односно дека Унијата ќе си ја презема својата геополитичка улога. Гледаме дека Европа е затечена и покрај тоа што имаше масовно градење на американската морнарица во Индискиот Океан, Блискиот Исток, во Медитеранот. Наместо Европа да биде проактивна, наместо да биде таа сила која ќе доминира со својата политика и улога, повторно е реактивна, но со различни ставови“, вели Кирјас.
Извор: zurnal.mk
