КФОР: Приштина и Белград да преземат одговорност за настаните на северот на Косово

May 30, 2023
2 mins read

Двете страни треба да преземат целосна одговорност за она што се случи и да спречат каква било понатамошна ескалација, наместо да се кријат зад лажните наративи, вели командантот на мисијата на КФОР

ФОТО: EPA-EFE/GEORGI LICOVSKI

Командантот на КФОР, генерал-мајор Анџело Микеле Ристуча побара од Косово и Србија да преземат целосна одговорност за настаните што се случија вчера на северот на Косово и да не се кријат зад лажните наративи.

Ристуча, исто така, побара од партиите да спречат секаква понатамошна ескалација на ситуацијата, пишува регионалниот сервис на Радио Слободна Европа.

Мировната мисија на НАТО на Косово, КФОР, соопшти дека за време на протестот во општина Звечан, вчера, биле повредени 30 нивни војници.

„Од повредените војници, 11 се од италијанскиот и 19 од унгарскиот контингент. Тие се здобиле со повеќе повреди, меѓу кои и скршеници и изгореници од рачно изработени експлозивни направи. Тројца унгарски војници се ранети со употреба на огнено оружје, но повредите не се опасни по живот“,

соопшти КФОР, пренесува РТС.

Од КФОР велат дека го зголемиле своето присуство во четири општини во северно Косово за да го намалат ризикот од ескалација откако новоизбраните градоначалници се обидоа да ја преземат функцијата.

Во соопштението се наведува дека командантот на мисијата на КФОР, генерал-мајор Анџело Микеле Ристуча лично го следи развојот на ситуацијата и изразува солидарност со војниците на НАТО кои беа повредени за време на конфликтот и нивните семејства.

Ристуча рече дека неиспровоцираните напади врз единиците на НАТО се неприфатливи и дека КФОР ќе продолжи непристрасно да го исполнува својот мандат. 

„За да се избегнат конфликти меѓу страните и ризикот од ескалација, мировните сили на КФОР спречија закани по животите на косовските Срби и на косовските Албанци. Двете страни треба да преземат целосна одговорност за она што се случи и да спречат каква било понатамошна ескалација, наместо да се кријат зад лажните наративи“,

вели Ристуча.

КФОР, како што е наведено, ќе продолжи да ги презема сите неопходни мерки за да обезбеди безбедна средина и слобода на движење за сите заедници во Косово, во согласност со мандатот заснован на Резолуцијата 1244 на Советот за безбедност на ОН од 1999 година.

По синоќешните тензии на северот на Косово, ноќта поминала мирно, а утрово силите на КФОР, со опрема за разбивање на демонстрации веќе имаат поставено нов кордон на неколку стотини метри од зградата на локалната самоуправа во Звечан за каде повторно има најави за портести против градоначалниците Албанци во општините со српско мнозинство.

Во вчерашните протести пред седиштето на Општина Звечан беа повредени најмалку 53 лица, во кои припадниците на КФОР употребија солзавец за растерување на толпата граѓани, кои возвратија со камења, стаклени шишиња и други предмети.

Вчера српскиот претседател Александар Вучиќ, во своето вонредно обраќање до јавноста, го обвини премиерот на Косово, Албин Курти, дека е одговорен за случувањата пред општинската зграда во Звечан каде што дојде до судир меѓу припадниците на мисијата на НАТО – КФОР и косовските Срби кои излегоа на протести.

Вучиќ, денеска, во Белград има средба со амбасадорите на Квинтата (САД, Велика Британија, Франција, Германија, Италија) и со шефот на делегацијата на Европската Унија.

На средбата присуствуваат и министерот за одбрана Милош Вучевиќ и началникот на Генералштабот на вооружените сили на Србија, Милан Мојсиловиќ.

Според најавите Вучиќ денеска треба да се сретне и со амбасадорите на Русија и Кина.

Извор: 360stepeni.mk

VERO JUMBO

EVN MACEDONIA

MATINA DENTAL CLINIC

AUTO SHKOLLA BEKO

Претходно

Во САД ранети девет лица, меѓу кои и едногодишно дете

Следно

Турскиот претседател доби над 100 честитки за повторниот избор на неговата функција

Latest from Blog

Божиновска: Гасните врски со Грција и Србија се приоритет за посигурно снабдување

Гасните интерконектори со Грција и Србија, Вертикалниот гасен коридор и повторното ставање во функција на продуктоводот Солун–Скопје се меѓу проектите со кои Македонија работи на посигурно снабдување со енергија. Ова го истакна

Македонија меѓу земјите со важни наоѓалишта на критични минерали, ЕУ ја препознава стратешката вредност на бакарот

Нова анализа на Институтот за безбедносни студии на ЕУ го издвојува Западниот Балкан како важен регион за идното снабдување со минерални суровини Македонија располага со значајни наоѓалишта на критични минерали кои можат

Николоски: Брзата пруга на Коридорот 10 ќе добие современ систем за управување со возовите

Вештачката интелигенција веќе не е само теорија или технологија на иднината,  тоа е нешто што се случува околу нас.  Таа е голема можност која треба да се искористи. Како Влада создаваме правна

Општина Битола продава градежно земјиште за изградба на куќи: Пријавувањето трае до 14 декември

Општина Битола објави оглас за отуѓување неизградено градежно земјиште во државна сопственост, кое ќе се продава по пат на јавно електронско наддавање. Станува збор за земјиште предвидено за изградба на објекти со

Коњановски: Во 2027 година се планира пуштање делница од 12 километри на автопатот Прилеп–Битола

Делница од 12 километри од автопатот Прилеп–Битола е планирано да биде пуштена во сообраќај во 2027 година, а до крајот на 2028 година да бидат асфалтирани вкупно 28 километри. Ова било најавено
Go toTop