Снимките на коленото на Французинот Едуардо Камавинга покажаа дека тој има мала повреда и ќе може да игра за Реал Мадрид в среда на реваншот против Манчестер сити.
Ова е олеснување за Карло Анчелоти и фановите на Реал, бидејќи во последниов период Камавинга е незаменлив стартер, и подеднакво добро се снаоѓа и во средниот ред и како лев бек.
Камавинга синоќа доби силен удар и не можеше да продолжи да игра, па во Реал Мадрид беа загрижени дека може да станува за повреда која ќе го спречи да игра на „Етихад“.
Анчелоти уште синоќа кажа дека нема место за паника и дека станува збор само за удар и дека Камавинга е млад и брзо ќе му помине болката. Денеска Кралскиот клуб има одмор, а утре се очекува и Камавинга да се појави на тренинг.
ИЗВОР: kurir.mk
