Инспекциските служби на Агенцијата за храна и ветеринарство (АХВ) изминатата недела извршија вонредни контроли во 38 кујни на приватни градинки низ цела Македонија.
Контролите открија дека 11 кујни не се регистрирани како оператори со храна, за што се издадени налози за итна регистрација и парични казни. Четири кујни не ги почитувале хигиенските стандарди според процедурите за Добра хигиенска пракса, а еден оператор не спровел задолжителен здравствен преглед на своите вработени.
За овие прекршувања, АХВ издаде 14 решенија за корективни мерки и изрече 13 прекршочни санкции. Сепак, при вонредните контроли не е пронајдена небезбедна храна.
ИЗВОР: racin.mk
