РАМАЛА (АА) – Израелската војска денес приведе 40 Палестинци во одделни области на окупираниот Западен Брег, пренесува Анадолу.
Здружението на палестински затвореници објави дека израелските сили ги уапсиле Палестинците за време на „кампања за притворање“ во подрачјето на Хеброн, Тулкарм, Џенин, Калкилија, Наблус, Ерихон, Витлеем и Ерусалим (Кудс).
Според невладината организација, израелската војска во последните три дена привела 120 Палестинци.
Израелските сили често вршат рации во домовите на Палестинците на окупираниот Западен Брег и Источен Ерусалим (Источен Кудс), приведувајќи лица под различни обвиненија.
Тензиите меѓу палестинските жители и израелските војници повремено ескалираат за време на рациите, предизвикувајќи спорадични инциденти.
