РАМАЛА (АА) – Израелските сили приведоа 21 Палестинец во неколку градови на окупираниот Западен Брег, пренесува Анадолу.
Како што објави палестинската новинска агенција ВАФА, израелските сили привеле Палестинци во Џенин, Наблус, Тулкерем, Рамала и Ал-Халил (Хеброн).
Во веста се наведува дека Палестинецот Енвер Исам Адил Абдулгани е приведен откако претходно бил ранет со боеви куршуми во судирите во Тулкерем.
Израелските власти сѐ уште не се огласија во врска со приведувањата.
Израел често спроведува рации во палестинските куќи на окупираниот Западен Брег и во Источен Ерусалим, приведувајќи Палестинци врз основа на најразлични обвинувања.
