ГАЗА (АА) – Најмалку 17 Палестинци се убиени, а десетици се ранети во израелските воздушни напади во близина на болницата Јусеф ел-Наџар во јужниот дел на Појасот Газа, јавува Анадолу.
За нападот очевидците рекоа дека израелските воени авиони бомбардирале две куќи во близина на болницата во градот Рафа.
Локалните извори јавуваат дека под урнатините останале десетици луѓе.
„Пред зори израелските воени авиони погодија куќи, предизвикувајќи масовно уништување во областа“, изјави неименуван очевидец за Анадолу.
Паралелно со тоа, Министерството за здравство во Газа соопшти дека израелските сили утринава го гранатирале подрачјето на Индонезиската болница во северниот дел на Појасот Газа.
Во тој напад загинале најмалку 12 лица.
