МАДРИД (АА) – Експлозија одекна во центарот на италијанскиот град Милано, при што бројни амбулантни возила, пожарникари и припадници на безбедносните сили се упатени на местото на настанот, пренесува Анадолу.
Според вестите на италијанските медиуми, голема експлозија одекна на улицата „Пиер Ломбардо“ во подрачјето на Порта Романа во Милано.
Се истакнува дека како резултат на експлозијата во подрачјето избувнал и пожар.
Бројни амбулантни возила, пожарникари и припадници на безбедносните сили се упатени на местото на настанот.
Според првичните сознанија, во експлозијата се повредени 4 лица.
Се нагласува дека бројни училишта како и домови што се наоѓаат во близина на оваа зона биле евакуирани.
Сè уште не е објавено официјално соопштение во врска со изворот на експлозијата.
Од друга страна, очевидците во изјава за италијанските медиуми нагласиле дека боците со кислород што се наоѓале во едно возило, првин се запалиле, а потоа експлодирале.
На социјалните мрежи се објавени снимки на кои се забележуваат бројни возила оштетени како резултат на експлозијата, како и чад.
Извор: www.aa.com.tr
