Пет лица загинаа, додека две лица се повредени во експлозијата што се случи во една зграда во иранскиот град Тебриз, пренесува Анадолу.
Портпаролот на Службата за прва помош во иранската покраина Источен Азербејџан, Вахид Шади, во изјава за Новинската агенција на ирански студенти (ИСНА) истакна дека настанала експлозија во зграда во подрачјето на Манзарије во Тебриз.
„Како резултат на експлозијата во Манзарије, што се наоѓа во Тебриз, загинаа 5 лица, а повредени се 2 лица“, рече Шади.
Тој информира дека експлозијата предизвикала штета на бројни куќи во околината, и дека продолжуваат операциите за пребарување и спасување.
Шади нагласи дека продолжуваат истражувањата за откривање на причината за експлозијата.
Извор: www.aa.com.tr
